काठमाडौँ, २ कात्तिक । कान्तिपुर पब्लिकेशन्स्‌मा गरिएको आन्दोलन राजनीतिक दलका केन्द्रीय नेताहरुको सहभागितामा गरिएको बताईएको छ ।

नेपाल पत्रकार महासंघ कान्तिपुर प्रतिष्ठान शाखाले राजनीतिक दलका केन्द्रीय नेताको सहभागितामाआन्दोलन गरिएको भन्दै सरोकारवालाहरूको ध्यानाकर्षण गराएको हो । महासंघ शाखाका अध्यक्ष अनिल गिरी बिहीबार विज्ञप्ति जारी गर्दै राजनीतिक दलका केन्द्रीय नेताको सहभागितामा आन्दोलन चलाउनु पत्रकारिता र महासंघको समेत अपमान भएको उल्लेख गरेका छन् ।

सदस्यता शुद्धीकरण अभियान चलाइरहेको महासंघका वरिष्ठ पदाधिकारीले नै महासंघको ब्यानरमा राजनीतिक दलका केन्द्रीय सदस्यलाई समेत सहभागी गराई भाषण गराउनु पत्रकारिता र पत्रकार महासंघको पनि अपमान हो । यसमा सरोकारवाला सबैको ध्यानाकर्षण हुनेछ भन्नेमा हामी विश्वस्त छौं विज्ञप्तिमा भनिएको छ । महासंघ केन्द्रले शाखाको कामकारबाही माथि नै प्रश्न गरेकोमा आपत्ति जनाउँदै अध्यक्ष गिरीले शाखा नेपाल पत्रकार महासंघको विधान, २०६० अन्तर्गत लोकतान्त्रिक विधि र पद्धतिअनुसार गठित व्यावसायिक पत्रकारहरुको निकाय भएको स्मरण गराएका छन् ।

विज्ञप्ति