काठमाडौं, २० कात्तिक । वीरगंज महानगरपालिकाका मेयर राजेशमान सिंहको क्रिकेट खेल्ने क्रममा हात भाँचिएको छ ।

जिल्ला प्रहरी कार्यालय पर्साको समुदाय–प्रहरी साझेदारीु कार्यक्रमअन्तर्गत क्रिकेटको उद्घाटन गर्दा मेयर सिंहको दाहिने हात फ्रयाक्चर भएको हो ।

मेयर सिंहको हाल काठमाडौंको थापाथलीस्थित नर्भिक इन्टरनेसनल अस्पतालमा उपचार भइरहेको महानगरपालिकाका सूचना अधिकारी अरविन्दलाल कर्णले बताए ।

“यो कुरा अस्ति शनिबारको हो । जिल्ला प्रहरी कार्यालय पर्सामा समुदाय प्रहरी साझेदारीको कार्यक्रम थियो । त्यहाँ क्रिकेट उद्घाटनका लागि खेल्ने क्रममा रन लिन दौडिँदा खुट्टा मोडिएर लड्नु भयो र हात फ्रयाक्चर भयो । यहाँको डाक्टरहरूले काठमाडौं लैजानु भन्ने सल्लाहपछि नर्भिक अस्पतालमा उपचार भइरहेको छ । हिजो शल्यक्रिया भइसकेको छ । दाहिने हातको रिष्ट बोनमा चोट लागेको थियो,” कर्णले  भने ।