काठमाडौं, १ मंसिर । सरकारले गत सोमबारदेखि टिकटक सञ्चालनमा पूर्ण प्रतिबन्ध गरेको छ । टिकटकबाट सामाजिक सद्‍भाव बिगार्ने काम गरेको भन्दै तत्कालका लागि बन्द गर्ने निर्णय सरकारले गरेको थियो । नेपालमा जसरी टिकटकमाथि पूर्ण प्रतिबन्ध लगाउने देशको संख्या भने निकै न्यून छ । टिकटकमाथि पूर्ण प्रतिबन्ध लगाउने देशमध्येमा नेपाल, भारत, अफगानिस्तान, इरान, किर्गिस्तान र सोमालिया रहेका छन् ।

नियमन गर्न छोडेर सरकारले किन बन्द गर्‍यो टिकटक  ?

भारतले भने सन् २०१९ मै भूराजनीतिक तनावका कारण पब्जी, टिकटकलगायत ५० भन्दा बढी चिनियाँ एप प्रतिबन्ध गरेको थियो । अफगानिस्तानमा तालिबान सरकार आएपछि उनीहरूले सन् २०२२ को अप्रिलमा टिकटक प्रतिबन्ध गरेका थिए । इरान सरकारले टिकटक आफ्नो देशमा प्रचलित कानुनविपरीत भएको भन्दै गत मेमा प्रतिबन्ध गरेको थियो ।

किर्गिजस्तानले बालबालिकाको मानसिक विकास र समग्र विकासमा प्लेटफर्मले असर पारेको भन्दै गत अगस्ट ३० मा टिकटक बन्द गरेको थियो । सोमालियाले पनि गत अगस्टमै टिकटक, टेलिग्राम, वानएक्सबेट लगायतका एपमाथि प्रतिबन्ध लगाएको थियो ।

नेपाललाई टिकटकको पत्र– प्रतिबन्धको कारण खुलाऊ, माग सम्बोधन गर्छौं

अमेरिका, बेलायत, क्यानडा, फ्रान्स, नर्वे, बेल्जियमलगायत अन्य युरोपेली देशहरूले भने खासगरी सरकारी उपकरण र सरकारी अधिकारीले प्रयोग गर्ने उपकरणहरूमा मात्रै टिकटकको प्रयोगमाथि प्रतिबन्ध लगाएका छन् ।

यी देशमा छ टिकटक प्रतिबन्ध, सर्वसाधारणका लागि बन्द गर्ने थोरै