काठमाडौं, २९ माघ । भारतीय सेनाध्यक्ष विपिन रावत आज सोमबार नेपाल आउँदै हुनुहुन्छ । भारतीय सेनाध्यक्ष रावत प्रधानसेनापति राजेन्द्र क्षत्रीको निमन्त्रणामा नेपाल भ्रमणमा आउन लाग्नुभएको हो । उहाँ मंगलबार मनाइने सेना दिवसको कार्यक्रममा विशेष अतिथिका रुपमा सहभागी हुने नेपाली सेनाले जनाएको छ ।
रावतलाई २०७३ चैत १६ गते राष्ट्रपति विद्यादेवी भण्डारीले नेपाली सेनाको मानार्थ महारथीको सम्मान प्रदान गर्नुभएको थियो । नेपाली र भारतीय सेनाध्यक्षलाई एक अर्को देशको सेनाको मानार्थ महाराथी सम्मान दिने प्रचलन छ । भारतीय सेनाध्यक्ष रावत बुधबार भारत फर्किनुहुनेछ ।
प्रतिक्रिया दिनुहोस्