काठमाडौं, ११ पौष । ताप्लेजुङमा हातहतियारसहित दुईजना पक्राउ परेका छन् । पाथीभरा याङवरक गाउँपालिका–१, त्रिवेणीस्थित जंगलबाट विभिन्न हातहतियारसहित सोही गाउँपालिका–१, सेसम्बु बस्ने २४ वर्षीय मौसम खिमदिम समेत दुईजनालाई पक्राउ परेका हुन् ।
विशेष सूचनाका आधारमा प्रहरी चौकी मेवाखाबाट खटिएको प्रहरीले उनीहरूलाई मंगलबार राति पक्राउ गरेको हो ।
उनीहरूको साथबाट दुई नाले भरुवा बन्दुक एक थान, एकनाले भरुवा बन्दुक एक थान, खुकुरी एक थान, मृगको सिङबाट बनेको गुलेली एक थान, मारेको कालिज एक वटा र भरुवा बन्दुकमा प्रयोग हुने विभिन्न सामाग्रीहरू समेत बरामद गरिएको जनाइएको छ ।
प्रतिक्रिया दिनुहोस्