काठमाडौं, २ फागुन । आइसिसी विश्व क्रिकेट लिग डिभिजन–२ अन्तर्गत समूह चरणको अन्तिम खेलमा टस जितेर पहिला फिल्डिङ गर्ने निर्णय गरेको नेपालविरुद्ध क्यानडाले २९ ओभर दुई बलमा ४ विकेट गुमाएर एक सय रन जोडेको छ।

सन्दिप लामिछाने र बसन्त रेग्मीले समान दुई विकेट लिए।

क्यानडाले ४६ रन जोड्दा बसन्तले आफ्नो पहिलो ओभरको दोस्रो बलमा विकेट लिएका हुन् ।

रुविन्दु गुनसेकेरा नौ रनमा आउट भए। क्यानडाले ५७ रन जोड्दा सन्दिप लामिछानेले कप्तान नितिस कुमारलाई पाँच रनमा आउट गरे।

सन्दीपको यो दोस्रो ओभर थियो। क्यानडाले ६७ रन जोड्दा सन्दिपले पाथिरानालाई दुई रनमा आउट गरे। सन्दिपको यो चौथो ओभर थियो। क्यानडाले ९० रन जोड्दा बसन्तले धालिवाललाई ब्यक्तिगत चार रनमा आउट गरे।

सन्दीपले प्रतियोगितामा १६ विकेट लिईसकेका छन्। क्यानडाका ओपनर विजेरत्ना ६९ रनमा खेलिरहेका छन्। विजेरत्नाले ९८ बलमा चार चौका प्रहार गरेका छन्।

विश्वकप छनौट खेल्न नेपालले क्यानडालाई हराउनै पर्ने छ।

६ टोली सहभागी प्रतियोगिताको शीर्ष दुई टोली एकदिवशिय विश्वकपको विश्वस्तरको छनोटमा पुग्नेछन्। तालिकामा नेपाल ६ अ‌ंकसहित तेस्रो स्थानमा छ। क्यानडा र नामिबियाको पनि समान ६ अ‌ंक भएपनि नेटरनरेटमा दुवै टोली नेपालभन्दा अगाडि छन्।