काठमाडौं, ४ माघ। गृहजिल्ला मोरङबाट काठमाडौं फर्कने क्रममा काभ्रे जिल्लाको रोशी गाउँपालिका, नार्केमा आईपुग्दा आफू सवार सरकारी गाडी ब्रिगिएपछि युवा तथा खेलकुद मन्त्री डिगबहादुर लिम्बुले गाडी ठेल्दै गरेको भिडियो सामाजिक संजालमा सार्वजानिक भएको छ ।
केही समयअघि मात्र पत्नी वियोगमा परेका मन्त्री लिम्बु श्रीमतिको मृत्युपछिका संस्कारहरु सम्पन्न गरेर आज गृहजिल्ला मोरङबाट बीपी राजमार्गको बर्दिवास–सिन्धुली सडकमार्ग हुदै काठमाडौं आउदै थिए । तत्काल मन्त्री चढ्ने सो सवारी साधन मर्मत हुने अवस्था नभएपछि अर्को सवारी साधनमार्फत मन्त्री लिम्बु काठमाडौं प्रस्थान गरेको उनका प्रमुख स्वकीय सचिव रोशनविक्रम राईले जानकारी दिए ।
प्रतिक्रिया दिनुहोस्