काठमाडौं ३ जेठ । नेपाली कांग्रेसले सहकारी समस्यासम्बन्धी छानबिन समिति बनाउने विषयका मापदण्डमा असहमति जनाएउपछि प्रधानमन्त्री पुुष्पकमल दाहाल प्रचण्डले थप छलफल अघि बढाएका छन्।
अहिले नयाँ बानेश्वरस्थित संसद् भवनमा प्रधानमन्त्री प्रचण्ड र उपप्रधान एवं गृहमन्त्री रवि लामिछानेबीच छलफल भइरहेको छ।
‘अहिले उहाँहरू छलफलमा हुनुहुन्छ,’ स्रोतले भन्यो, ‘उहाँहरूले जानकारी नदिइ आजको बैठक के हुन्छ भन्न सकिएन।’
संसदीय छानबिन समिति बनाउन सहमतिको अन्तिम चरणमा पुगेको नेपाली कांग्रेस प्रतिवेदनमा उल्लेख गरिने मोडालिटी ९टीओआर० बारे असन्तुष्ट भएको छ।
कांग्रेस सांसद जीवन परियार र रास्वपा उपसभापति स्वर्णिम वाग्लेले लगातार छानबिन समितिको प्रतिवेदनमा उल्लेख हुने मापदण्डबारे छलफल गरिरहेका छन्।
सोही प्रयास सार्थक बनाउनेगरी बिहीबार बिहान ११ बजे बोलाइएको प्रतिनिधिसभा बैठक अपरान्हसम्मका लागि सारिएको थियो। यद्यपि सो छलफल निष्कर्षमा पुग्न नसक्दा आजै दोस्रोपटक बोलाइएको प्रतिनिधिसभा बैठक पनि अन्यौलमा परेको छ।
नेपाली कांग्रेसका नेता तथा राष्ट्रिय सभा सदस्य कृष्णप्रसाद सिटौलाका अनुसार, टीओआर लेखनमा उठेका कतिपय प्रश्न निरुपण गर्नेगरी अझै छलफलका लागि समय बढाउनुपर्ने अवस्था देखिएको छ।
‘बैठक बस्ने, अवरोध गर्ने र फेरि अर्को बैठक बोलाउनेगर्दा त्यसको अर्थ हुँदैन,’ सिटौलाले नेपालखबरसँग भने, ‘समिति बनाउने कुरामा लगभग सहमति छ, टीओआरको बारेमा केही बढी होमवर्क भोलिसम्म गर्दा राम्रो होला।’
सिटौलाले भनेजस्तै कांग्रेसले औपचारिक रुपमा आज पनि सहमति जुट्न नसकेको बताएको छ।
पार्टी प्रवक्ता समेत रहेका सांसद डा। प्रकाशशरण महतका अनुसार गृहमन्त्री रवि लामिछाने केन्द्रित भएर छानविन गर्न सत्तापक्षका नेताहरू तयार भएका छैनन्।
‘संसदीय छानविन समितिले नै माग गर्यौँ। त्यो विषयलाई ओझेलमा पारेर त्यसलाई सामान्यिकरण गर्दाखेरी त्यसको लक्ष्य हासिल हुन सक्दैन। त्यस हुनाले कुरा मिलेको छैन,’ महतले भने।
औपचारिक निर्णय सुनाउँदै कांग्रेसले संसद् बैठक अवरोध राख्ने बताएपनि आजकै लागि बोलाइएको दोस्रो बैठक पनि स्थगित हुने सम्भावना बढेको छ।
यद्यपि संसद् स्थगित गन निर्णय भने भइसकेको छैन। संसद् भवनभित्रै रहेका एक सांसदका अनुसार, बैठक बसेर स्थगित गराउने वा सूचना टाँस गराउने भन्नेबारे छलफल चलिरहेको छ।
साँझ ४ बजेका लागि बोलाइएको बैठक झण्डै १ घन्टा बित्दा पनि चल्न सकेको छैन।
प्रतिक्रिया दिनुहोस्