काठमाडौं ६ जेठ । राष्ट्रिय सभा बैठक पनि सरेको छ। आइतबार दिउँसो १ः१५ बजेका लागि बोलाइएको राष्ट्रियसभा बैठक दिउँसो ३ बजेर १५ मिनेटसम्मका लागि स्थगित भएको हो।
राष्ट्रिय सभा बस्नुअघि कार्यव्यवस्था परामर्श समितिको बैठक बसेको थियो। सो बैठकमा विपक्षी दलहरूले अवरोध कायम राख्ने बताएसँगै राष्ट्रिय सभा बैठक पनि स्थगित भएको हो।
आइतबारको बैठक अवरुद्ध नहुनेगरी शनिबार साँझ प्रधानमन्त्रीको सरकारी निवास बालुवाटारमा सहमति जुटेको थियो।
यद्यपि कांग्रेसले माग गर्दै आएको संसदीय दलको समितिको टीओआरमा सहमति जुट्न नसक्दा पुनः संसद् बैठक अन्योलमा परेको हो।
टीओआरमा सहमति जुटाउनेगरी अहिले पनि सिंहदरबारमा कार्यदलका सदस्यहरू छलफलमा छन्। कार्यदलको बैठकमा सहभागी हुन नेपाली कांग्रेसका प्रमुख सचेतक रमेश लेखक पनि पुगेका छन्।
प्रतिक्रिया दिनुहोस्