काठमाडौं ३० जेठ । काठमाडौँ महानगरपालिकाले सिंहदरबारभित्रका विभिन्न क्यान्टिनमा खटाइएका ४ बालबालिकाको उद्धार गरेको छ।
उद्धार गरिएका बाल श्रमिकहरू उद्योग मन्त्रालय, ऊर्जा मन्त्रालय र केन्द्रीय सेवा केन्द्रका क्यान्टिनमा काम गरिरहेका थिए।
यसअघि काठमाडौं महानगरको बाल उद्धार टोलीले १९ बालिका र १८ बालक गरी ३७ बालश्रमिकलाई जोखिमपूर्ण अवस्थाबाट उद्धार गरी विभिन्न ६ वटा संरक्षण गृहहरूमा राखेको छ ।
उद्धार गरिएका बालबालिकाहरू घरेलु श्रमिक, होटल र होस्टल, यातायात तथा निर्माण क्षेत्रका बढी छन्। जोखिममा रहेका र संरक्षणको आवश्यकता भएका बालबालिकाहरूले आफू जोखिममा रहेको खबर गरेपछि उद्धार गरिएको महानगरपालिकाले जनाएको छ।
सिंहदरबारभित्रै बाल श्रमिक, महानगरद्वारा विभिन्न क्यान्टिनबाट ४ जनाको उद्धार
प्रतिक्रिया दिनुहोस्