काठमाडौं ३१ जेठ । जनता समाजवादी पार्टी नेपाल ९जसपा नेपाल० को जारी एकताको महाधिवेशनबाट अध्यक्षबाहेक नयाँ कार्यसमिति चयन गर्न आज मतदान हुने भएको छ।

जसपा केन्द्रीय निर्वाचन समितिका अनुसार दिउँसो १२स्३० बजेसम्म उम्मेदवारी फिर्ताको समय तोकिएको छ। यसपछि मतदान सुरु हुनेछ।

अध्यक्षमा फेरि उपेन्द्र यादव नै निर्विरोध भए पनि बाँकी पदाधिकारी र केन्द्रीय सदस्यका लागि उम्मेदवारी दिएका उम्मेदवारको अन्तिम सूची सार्वजनिक गर्न निर्वाचन समितिलाई बुधबार अबेर रातिसम्म लागेको थियो।

उम्मेदवारीमा दाबी विरोध र त्यसउपर निर्णय भइसकेको जसपा निर्वाचन समितिले जनाएको छ।

२०१ केन्द्रीय सदस्य र अध्यक्ष ९जुन निर्विरोध धइसकेको छ०, सहअध्यक्ष, महासचिव, सहमहासचिव, कोषाध्यक्ष, सचिव र सहसचिव गरी २० पदाधिकारीका लागि बुधबार मनोनयन दर्ता भएको थियो।

अध्यक्षबाहेक अब एकजना सहअध्यक्ष, ५ उपाध्यक्ष, २ महासचिव, ३ उपमहासचिव, ७ सचिव, १ कोषाध्यक्ष र २०१ केन्द्रीय सदस्य चयनका लागि आज निर्वाचन हुन लागेको हो।