काठमाडौं ७ असार । उपप्रधान तथा गृहमन्त्री रवि लामिछानेलाई निलम्बन गर्न माग गर्दै सर्वोच्च अदालतमा दर्ता रिट निवेदन सुनुवाइका लागि आज ९शुक्रबार० पेसी तोकिएको छ।

लामिछानेविरुद्धको मुद्दा न्यायाधीशद्वय सपना प्रधान मल्ल र शारंगा सुवेदीको इजलासमा पेसी तोकिएको हो।  सहकारी ठगी प्रकरणमा गृहमन्त्री लामिछानेको समेत जाहेरी परेको दाबी गर्दै अधिवक्ता अनुपम भट्टराईले रिट निवेदन दर्ता गराएका हुन्।

महान्यायाधिवक्ताको कार्यालयले गृहमन्त्री लामिछानेलाई क्लिन चिट दिँदै कुनै पनि जिल्लामा अनुसन्धान,अभियोगपत्र र जाहेरी नपरेको भनी पत्र लेखेको थियो।

सर्वोच्चले पोखरामा दर्ता भएको जाहेरीदेखि रुपन्देही जिल्ला अदालतमा पेस अभियोग पत्रसम्म मगाउने आदेश दिएको थियो।

सर्वोच्चमा पोखराको सूर्यदर्शन र बुटवलको सुप्रिम सहकारी ठगीबारे नेपाल प्रहरीको केन्द्रीय अनुसन्धान ब्युरो ९सीआईबी०ले गरेको अध्ययन प्रतिवेदन पनि पेस भइसकेको छ।

यी प्रमाणका आधारमा दुवै पक्षको बहस सुनेर सर्वोच्चले निर्णय गर्नेछ।