काठमाडौँ, १४ फागुन । इंग्लिस प्रिमियर लिगमा म्यान्चेस्टर युनाइटेडले चेल्सीबिरुद्ध २–१ गोल अन्तरको महत्वपूर्ण जित दर्ता गरेको छ ।

गएराति घरेलु मैदान ओल्ड ट्राफोटमा भएको युनाइटेडको जितमा दुवै गोलमा बेल्जियन स्ट्राइकर रोमेलु लुकाकुको संग्लग्नता थियो । यद्यपि खेलमा अग्रता भने पाहुना टोली चेल्सीले लिएको छ । जसमा विलियनले ३२ औं मिनेटमा गोल गरेका थिए । उनले इडेन हाजार्डको पास सदुपयोग गरेका थिए ।

तर, त्यसको ७ मिनेटपछि नै लुकाकुले ७५ हजार घरेलु दर्शकलाई खुशी तुल्याउ“दै बराबरी गोल फर्काए । दोस्रो हाफमा युनाइटेडले अर्को गोल थप्यो । लुकाकुकै पासमा जेसे लिंगार्डले ७५औं मिनेटमा गोल गरेपछि युनाइटेडको जित निश्चित भएको थियो ।

जित हाँसिल गरेपछि युनाइटेड ५९ अंकका साथ पुनः दोस्रो स्थानमा उक्लिएको छ । पराजित भएपछि चेल्सी भने पा“चौं स्थानमा पुगेको छ । उसको ५३ अंक छ ।