काठमाडौं २३ साउन । नुवाकोटमा एयर डाइनेस्टीको हेलिकप्टर दुर्घटनाग्रस्त भएपछि उद्धारका लागि प्रभु हेलिकप्टर लिमिटेडको हेलिकप्टर दुर्घटनास्थल पुगेको छ।
प्रभु हेलिकप्टर कम्पनीको ९एन एएनएल हेलिकप्टर दुर्घटनास्थलमा गएको हो।
नुवाकोटको सूर्यचौरमा एयर डाइनेस्टीको हेलिकप्टर दुर्घटनामा परेको हो। हेलिकप्टरमा पाइलटबाहेक ४ जना चिनियाँ पर्यटक रहेका थिए।
उनीहरु सबैको मृत्यु भइसकेको छ। उडेको ३ मिनेटमा नै हेलिकप्टर त्रिभुवन विमानस्थलको टावरसँग सम्पर्कविच्छेद भएको थियो।
दिउँसो २ बजेदेखि नै हेलिकप्टर सम्पर्कविहीन भएको विमानस्थलले जनाएको छ।
दुर्घटनामा परेको हेलिकप्टर रसुवाको स्याफ्रुबेसीका लागि उडेको नागरिक उड्डयन प्राधिकरणले जनाएको छ।
प्रतिक्रिया दिनुहोस्