काठमाडौं ६ भदौ । चिनिया सरकारका तर्फबाट चिनिया दूतवासको लगातारको दबावपछि कांग्रेस–एमाले सरकारले छोटा भिडियोहको एप सामाजिक सञ्जाल टिकटक बन्दमाथिको प्रतिबन्ध हटाएको छ ।

बिहीबार बसेको मन्त्रिपरिषद बैठकले टिकटकमा लगाएको प्रतिबन्ध फुकुवा गर्ने निर्णय गरेको हो ।

यसअघि कांग्रेस –माआवादी गठबन्धन सरकारका पाला मुख्य तीनै दलका शिर्ष नेताहरुको सहमतिमा पुष्पकमल दाहाल प्रचण्ड नेतृत्वको सरकारले २७ कात्तिक २०८० मा टिकटकमा प्रतिबन्ध लगाउने निर्णय गरेको थियो ।
लगत्तै चिनिया पक्षले प्रचण्डमाथि टिकटक खोल्न दबाव दिए पनि उनी झुकेका थिएनन् । तर नेपाली समाज र राजनीतिलाई नै विकृत पारेको र रोक्ने कुनै संयन्त्र पनि नभएको तथा कुनै जिम्मेवारी पनि नलिने अवस्था रहेको टिकटक यो सरकारले खोल्ने निर्णय गरेको हो ।

टिकटकको अधैर्य प्रवृत्तिले विश्वका विकसित देशहरुमा समेत चिन्ता बढाएको भन्दै अधिकांश युरोपेली देशमा टिकटक प्रतिवन्ध छ भने भारतमा राजनीतिक कारणले टिकटक बन्द गरेको छ । चीनको राम्रो सम्वन्ध रहेको इरानले पनि आफ्नो देशको आन्तरिक कारण देखाउँदै टिकटक प्रतिवन्ध लगाएको छ । अमेरिकी कंग्रेसमा टिकटक प्रतिवन्ध गर्ने विधेयक विचाराधीन छ । अमेरिकी चुनावका सन्दर्भमा डेमोक्रेटिक पार्टीका तर्फबाट राष्ट्रपतिको उमेद्वार चयन भएलगत्तै उपराष्ट्रपति कमला ह्यारिस टिकटकमा जोडिएकी छन् । गत जुलाई २४ मा उनी यो एपमा जोडिएको छ घण्टामा एक मिलियन भन्दा बढीले उनलाई फलो गरेका थिए । उनी अहिले अमेरिकामा सवैभन्दा बढी टिकटक फलो हुने सर्वाजनिक व्यक्तित्व बनेकी छन् । हाल उनलाई फलो गर्नेको संख्या ४६ लाख भन्दा बढी पुगेको छ