काठमाडौं १६ भदौ । सेयरबजार परिसूचक नेप्से ५३।६३ अंकले घटेको छ।   १।९५ प्रतिशतले घटेसँगै सेयरबजार २७ सय विन्दुबाट झरेर २६९५।९३ मा पुगेको हो।

आज बजारमा १० अर्ब ५१ करोडको सेयर किनबेच भएको छ। २ करोड ६२ लाख कित्ता सेयर बिक्रीमा उक्त कारोबार भएको हो।

२०९ कम्पनीको सेयर मूल्य घटेको दिन ३१ वटाको मात्रै बढेको छ भने ४ वटाको स्थिर छ।

आज सुपर माई हाइड्रोपावरका लगानीकर्ताले १० प्रतिशत र हिमालयन पावर पार्टनरका लगानीकर्ताले ९।८७ प्रतिशत कमाए पनि बाँकी लगानीकर्ताले अधिकतम ८।७३ प्रतिशतसम्म मात्र प्रतिसेयर आम्दानी गरेका छन्।

घटेकामध्ये पिपुल्स पावर र माई खोला हाइड्रोपावरको सेयरमा नकारात्मक सर्किट लागेको छ। ४ कम्पनीको सेयर ९ प्रतिशतले घटेको छ।

कारोबारतर्फ गुडविल फाइनान्सको ५२ करोड, हिमालय रि इन्स्योरेन्सको ३३ करोड, नेपाल फाइनान्सको ३३ करोड, अपि पावरको २६ करोडको सेयर खरिदबिक्री भएको नेपाल स्टक एक्सचेन्जले जनाएको छ।