काठमाडौं २२ कात्तिक । अमेरिकामा डोनाल्ड ट्रम्पले चुनाव जितेकामा अफगानिस्तानको तालिबान सरकारले पनि प्रतिक्रिया दिएको छ।

तालिबान सरकारको विदेश मन्त्रालयले सन्तुलित परराष्ट्र नीतिको आशा राख्दै आगामी अमेरिकी सरकारले दुई देशबीचको द्विपक्षीय सम्बन्धमा ठोस प्रगति सुनिश्चित गर्ने विश्वास व्यक्त गरेको छ।

तालिबान सरकारको विदेश मन्त्रालयले भनेको छ( नयाँ अमेरिकी सरकारले अफगानिस्तानप्रति व्यावहारिक दृष्टिकोण अपनाउनेछ, जसले दुई देशबीचको सम्बन्धको नयाँ चरण खोल्नेछ।

तालिबानको विदेश मन्त्रालयले विश्वभर चलिरहेको द्वन्द्व, विशेषगरी गाजा र लेबनानमा जारी तनाव अन्त्य गर्न ट्रम्पले महत्त्वपूर्ण भूमिका निर्वाह गर्ने आशा पनि व्यक्त गरेको छ।

उल्लेखनीय छ( सन् २०१६ मा ट्रम्प पहिलोपटक राष्ट्रपति बनेपछि आफ्नो कार्यकालमा अफगानिस्तानबाट अमेरिकी सेना फिर्ता गर्ने घोषणा गरेका थिए।