काठमाडौं २९ कात्तिक । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले ‘चिनियाँ कार्ड’ खेलिरहेको आरोप लगाउँदै द हिन्दूमा एक अन्तर्वार्ता दिएका छन् । अन्तर्वार्तामा प्रचण्डले नयाँ सरकारको नीतिका कारण नेपाल(भारत सम्बन्ध तनावमा रहेको र सीमा विवाद पुनः जागृत हुने खतरा रहेको बताएका छन् ।

प्रचण्डले आफ्नो नेतृत्वको पछिल्लो १८ महिने सरकारको कार्यकालमा नेपाल(भारत सम्बन्धलाई ‘नयाँ उचाइ’मा पुर्‍याएको दाबी गरेका छन् । प्रस्तुत छ( द हिन्दूका लागि सुहासिनी हैदरले विपक्षी दलका नेता समेत रहेका प्रचण्डसँग गरेको कुराकानीको भावानुवाद(

काठमाडौंमा आयोजित कान्तिपुर कन्क्लेभमा बोल्दै आफ्नो पछिल्लो कार्यकाल ९डिसेम्बर २०२२( जुलाई २०२४० मा तपाईंले भारत(नेपाल सम्बन्धलाई नयाँ उचाइमा पुर्‍याएको बताउनुभयो । तर, त्यसको केवल चार महिनापछि नेपाल(भारत सम्बन्धमा केही तनाव र समस्याहरू देखिएका छन्, यस्तो किन भयो रु

मेरो कार्यकालमा नेपाल(भारत सम्बन्धले साँच्चै नयाँ उचाइ प्राप्त गरेको थियो । जून २०२३ को मेरो भारत भ्रमणका क्रममा प्रधानमन्त्री नरेन्द्र मोदीसँग भएका वार्ताहरूबाट केही महत्त्वपूर्ण सम्झौताहरू हुनुका साथै गहिरो समझदारी कायम भएको थियो, जसको प्रभाव लामो समयसम्म रहनेछ। यस वर्ष म फेरि ९जुन २०२४ मा० मोदीको सपथ समारोहमा सहभागी हुन भारत गएँ र प्रधानमन्त्री मोदी र विदेशमन्त्री एस। जयशंकरसँग छलफल गरें। दुवै देशका राष्ट्रिय हितका आधारमा बलियो सम्बन्ध बनाउन सकेकोमा मलाई गर्व छ। मलाई लाग्छ, मेरो सरकार ढालिएपछि अहिले नेपालमा भारतसँगको सम्बन्धलाई लिएर जे भइरहेको छ त्यो ठीक छैन । यो सही होइन।