काठमाडौं ८ माघ । सत्तारुढ नेकपा एमालेको सचिवालय बैठक बस्ने भएको छ। एमाले स्थायी कमिटी सदस्य एवं प्रचार विभाग प्रमुख राजेन्द्र गौतमका अनुसार बैठक आज दिउँसो ४ बजे पार्टी केन्द्रीय कार्यालय च्यासलमा बस्न लागेको हो।
उनका अनुसार बैठकमा प्रधानमन्त्री एवं अध्यक्ष केपी शर्मा ओलीले समसामयिक राजनीतिक घटनाक्रमबारे नेताहरुलाई जानकारी गराउनेछन्।
‘संसद् चल्दैछ, अध्यादेशको विरोध भइरहेको छ,’ गौतमले भने, ‘विकसित राजनीतिका सन्दर्भहरु छन्। ती बारे उहाँले जानकारी गराउनुहुन्छ।’
त्यस्तै नेकपा एमाले फर्किन चाहिरहेका नेता वामदेव गौतमको बारेमा पनि बैठकमा छलफल हुने बताइएको छ। गौतमले आफू एमालेमा फर्किन तयार भएको बताएका छन्।
प्रतिक्रिया दिनुहोस्