काठमाडौं २९ माघ । उच्चस्तरीय राजनीतिक संयन्त्रको बैठक बस्ने भएको छ । मंगलबार साँझ ६ बजे प्रधानमन्त्रीको सरकारी निवास बालुवाटारमा बैठक बस्न लागेको प्रधानमन्त्रीको सचिवालयले जनाएको छ ।
७ बुँदे सहमतिका आधारमा बनेको कांग्रेस(एमाले गठबन्धनलाई यो संयन्त्रले सहजीकरण गर्दै आएको छ । नेताहरुका अनुसार अहिले सरकारले ल्याएको अध्यादेश संसद्बाट पारित गर्ने लगायतका विषयमा आज छलफल हुनेछ ।
सरकारले ल्याएका ६ वटा अध्यादेश संसद्मा प्रस्तुत भएका छैनन् । राष्ट्रियसभामा निर्णायक मानिएको उपेन्द्र यादव नेतृत्वको जनता समाजवादी नेपालले निर्णय नलिएपछि अध्यादेश प्रस्तुत नभएको हो ।
जसपा नेपालले भूमिसम्बन्धी विधेयक स्वीकार नगर्ने निर्णय आज मात्रै लिएको छ ।
प्रतिक्रिया दिनुहोस्