काठमाडौं, ५ चैत । उपराष्ट्रपति नन्दबहादुर पुनले आज पद तथा गोपनीयताको शपथ लिदै हुनुहुन्छ।
उपराष्ट्रपतिको दोस्रो कार्यकालका लागि आइतबार निर्वाचित हुनुभएका पुनले आज राष्ट्रपति विद्यादेवी भण्डारीसमक्ष पद तथा गोपनीयताको शपथ लिन लाग्नुभएको हो । शपथ ग्रहण आज अपराह्न ४ बजे राष्ट्रपतिको कार्यालय शीतल निवासमा हुदैछ ।
उपराष्ट्रपतिका लागि शनिबार उम्मेदवारी मनोनयन दर्ता गर्न समय दिइएकोमा वाम गठबन्धनका नन्दबहादुर पुनको मात्रै उम्मेदवारी परेको थियो । चैत ९ गते उपराष्ट्रपतिका लागि मतदान गर्ने कार्यतालिका निर्वाचन आयोगले सार्वजनिक गरे पनि पुनविरुद्ध कसैको पनि उम्मेदवारी नपरेपछि आइतबार पुन निर्विरोध निर्वाचित भएको घोषाणा गरेको थियो ।
प्रतिक्रिया दिनुहोस्