काठमाडौं २४ फागुन । नेपाल शिक्षक महासङ्घले काठमाण्डौमा प्रदर्शन गरेको छ । माइतीघरमा भेला भएका शिक्षकहरु बानेश्वर पुगेर सभाको आयोजना गरेका छन् ।
विद्यालय शिक्षा ऐन शीघ्र जारी गर्न दबाब दिने उद्देश्यले प्रदर्शन गरेको महासङ्घका अध्यक्ष लक्ष्मीकिशोर सुवेदीले बताउनुभयो ।
विगतमा सरकारसँग भएका सबै सहमति सम्बोधन हुने गरी विद्यालय शिक्षा ऐन जारी गर्न सरकारलाई दबाब दिन प्रदर्शन गर्नुपरेको उहाँको भनाइ छ ।
महासङ्घले आन्दोलनको पहिलो चरणमा पालिका, जिल्ला र प्रदेश तहमा ध्यानाकर्षणपत्र बुझाउँदै विरोधसभा गरेको थियो ।
काठमाण्डौको प्रदर्शनपछि राजनीतिक दलका पार्टी कार्यालयमा दबाबपूर्ण धर्ना दिने महासङ्घले जनाएको छ ।
संविधान संशोधन गरेर भए पनि शिक्षकसँग भएका विगतका सम्झौता र माग पूरा हुनुपर्ने उनीहरुको माग छ ।
विद्यालय शिक्षा विधेयक १८ महिनादेखि प्रतिनिधि सभा अन्तर्गत शिक्षा, स्वास्थ्य तथा विज्ञान प्रविधि समितिमा विचराधीन छ । विधेयकमाथि सैद्धान्तिक छलफल भए पनि दफावार छलफल शुरू हुन सकेको छैन ।
प्रतिक्रिया दिनुहोस्