काठमाडौं । प्रतिनिधिसभाको आजको बैठक आवश्यक गणपूरक संख्या नपुगेपछि स्थगित भएको छ।
आजको बैठकमा खानीसम्बन्धी विधेयक विचार गरियोस् भन्ने प्रस्ताव पेस गर्ने कार्यसूची थियो। बैठक सुरु हुनुअघि नै कांग्रेस सांसद निष्कल राईले सभामा उपस्थित सदस्य संख्या यकिन गर्न माग गरेकी थिइन्।
प्रतिनिधिसभा नियमावलीअनुसार बैठक सञ्चालनका लागि कुल सदस्य संख्याको कम्तीमा एक चौथाइ अर्थात् ६९ जना सांसद उपस्थित हुनुपर्ने व्यवस्था छ।
तर, आजको बैठकमा ६१ जना सांसद मात्रै उपस्थित भएपछि गणपूरक संख्या नपुगेको हो।
गणपूरक संख्या नपुगेपछि सभामुख डोलप्रसाद अर्यालले बैठक स्थगित भएको घोषणा गर्दै भदौ १ गते पुनः बैठक बस्ने जानकारी गराएका छन्।
Originally published on abcnews.com.np.
प्रतिक्रिया दिनुहोस्