काठमाडौं २५ फागुन । निजामती कर्मचारी अस्पतालको कार्यकारी निर्देशकका लागि तीन जनाको नाम सिफारिस भएको छ । आवेदन दिएका १० जनामध्ये प्रस्तुतीकरण र अन्तर्वार्ताका आधारमा तीन जनाको नाम सिफारिस गरिएको हो ।

संघीय मामिला तथा सामान्य प्रशासन मन्त्रालयले सिफारिसमा परेका तीन जनाको नाम सार्वजनिक गरेको हो । मन्त्रालयले सार्वजनिक गरेको नाम अनुसार कार्यकारी निर्देशकका लागि एक नम्बरमा डा। प्रमोद यादव, दोस्रो नम्बरमा डा। रुद्र मरासिनी र तीन नम्बरमा डा। मोहनचन्द्र रेग्मीको नाम सिफारिस गरिएको छ।
१०औं तहका डा। यादव राष्ट्रिय ट्रमा सेन्टरको मेडिकल सुपरिटेन्डेन्ट र जनकपुर अस्पतालको सुपरिटेन्डेन्ट भइसकेका छन् ।

११औं तहमा कार्यरत अर्थोपेडिक्स सर्जन डा। मरासिनीले स्वास्थ्य सेवा विभाग इपिडिमियोलोजी तथा रोग नियन्त्रण महाशाखाको निर्देशक, व्यवस्थापन महाशाखा प्रमुख, राष्ट्रिय ट्रमा सेन्टर र भरतपुर अस्पतालको निर्देशकको जिम्मेवारी समालेका छन् ।

प्रसूति तथा स्त्रीरोग विशेषज्ञ डा। रेग्मी बीपी कोइराला स्वास्थ्य विज्ञान प्रतिष्ठान धरानको रजिष्ट्रार थिए ।

मुख्यसचिव अध्यक्ष रहेको अस्पताल विकास समितिले निर्देशक नियुक्तिका लागि आवश्यक प्रक्रिया अगाडि बढाएको हो । अस्पताल विकास समिति गठन आदेश अनुसार समितिले सिफारिसमा परेका तीनजनामध्ये एक जनालाई कार्यकारी निर्देशक नियुक्त गर्ने छ ।

अस्पतालका हालका निर्देशक डा। विधाननिधि पौडेलको कार्यकाल आइतबार ९२५ फागुन०बाट सकिँदै छ ।