काठमाडौं १९ चैत । भारतको झारखण्डमा मंगलबार बिहान दुई मालवाहक रेल आपसमा ठोकिएका छन्।
समाचार एजेन्सी पीटीआईका अनुसार यो दुर्घटना झारखण्डको साहिबगंजमा भएको हो।
दुर्घटनामा दुवै रेलका चालकको मृत्यु भएको छ भने चारजना घाइते भएका छन्। प्रहरीका अनुसार दुर्घटना बिहान ३ बजेतिर बरहट प्रहरी चौकी क्षेत्रअन्तर्गत भोगनाडीह नजिकै भएको हो।
दुवै रेल सरकारी विद्युत् कम्पनी एनटीपीसीका हुन्। दुर्घटना भएको ट्र्याक पनि एनटीपीसीको हो। यो ट्र्याक मुख्यतया पावर प्लान्टमा कोइला ढुवानी गर्न प्रयोग गरिन्छ।
प्रतिक्रिया दिनुहोस्