काठमाडौं २९ चैत ऊर्जा, जलस्रोत तथा सिँचाइ राज्यमन्त्री पूर्णबहादुर तामाङले मन्त्रालयका सचिव सुरेश आचार्यलाई स्पष्टीकरण सोध्नुभएको छ । आफू सहभागी कार्यक्रम बहिष्कार गरेको भन्दै उहाँले सचिव आचार्यलाई २४ घण्टे स्पष्टीकरण सोध्नुभएको हो ।

राज्यमन्त्री तामाङले सचिव आचार्यलाई स्पष्टीकरण बुझाउन भन्दै हिजो लेखेको पत्रमा गएको सोमवार सिँचाइ दिवसको अवसरमा आयोजित कार्यक्रममा आसनग्रहणको लागि बोलाउँदा समेत मञ्चमा सहभागी नभई बेवास्ता गरेको उल्लेख छ ।

‘राज्यमन्त्री सहभागी कार्यक्रममा आफू बस्न तयार नभएको भन्ने तुच्छ अभिव्यक्ति दिएको, पदीय आचरण पालना नगर्नुको साथै पदीय गरिमा समेत कायम गर्ने नसकेको, नेपाल सरकारको सचिव पदको गरिमा र मर्यादालाईसमेत धज्जी उडाउने गरी कार्यक्रम बहिष्कार गरेको तपाईँलाई अनुशासनको कारबाही किन गर्नु नपर्ने हो रु’ स्पष्टीकरणमा सोधिएको छ ।