नवलपुर,२७ वैशाख । कावासोती नगरपालिका–११ लोकाहा निवासी एकै परिवारका दुई दाजुभाइको मोटरसाइकल दुर्घटनामा ज्यान गएको छ। शनिबार साँझ रिठेपानी सडकखण्डमा भएको दुर्घटनामा २४ बर्षिय ईश्वर दर्लामी र उनका भाई २२ बर्षिय सागर दर्लामी को मृत्यु भएको जिल्ला प्रहरी कार्यालय नवलपुरले जनाएको छ।
जिल्ला प्रहरी कार्यलयका नवलपुरका प्रहरी निरीक्षक सुदिप पौडेलका अनुशार अनुशार लु १३ प ७०२ नम्बरको पल्सर मोटरसाइकलमा सवार दुवै जना मुण्डेबाट लोकाहा तर्फ जाँदै गर्दा सवारी चालकले नियन्त्रण गुमाउँदा सडकको किनारमा रहेको कल्पटमा ठोक्किएको थियो। दुर्घटनापछि गम्भीर घाइते भएका दुवै जनालाई तत्कालै उपचारका लागि डण्डास्थित मध्यविन्दु प्रादेशिक अस्पताल लगिएको थियो। तर, चिकित्सकहरूले उनीहरूलाई मृत घोषणा गरेका थिए।
घटनाको थप अनुसन्धान भइरहेको प्रहरी जनाएको छ ।
प्रतिक्रिया दिनुहोस्