काठमाडौं । पाकिस्तानको ब्रोड पिकमा हिमपहिरोमा परी निधन भएका तीन नेपाली आरोहीको शव आज काठमाडौं ल्याइँदै छ। परराष्ट्र मन्त्रालयका अनुसार किली पेम्बा शेर्पा ‘किलु’, ग्यालु शेर्पा र निमा शेर्पाको शव कतार एयरवेजको उडानमार्फत दिउँसो ४ः४५ बजे काठमाडौं आइपुग्नेछ।

ब्रोड पिकमा गएको हिमपहिरोमा १० सदस्यीय अन्तर्राष्ट्रिय आरोहण टोली सम्पर्कविहीन भएको थियो। घटनामा नेपालीसहित विभिन्न देशका आरोही प्रभावित भएका थिए।

यसअघि सोही दुर्घटनामा निधन भएका नेपाली आरोही पुरबहादुर गुरुङ ‘युक्त’को शव साउन २१ गते नेपाल ल्याइएको थियो।

पछिल्लो विवरणअनुसार दुर्घटनामा फेला परेका शवमध्ये नेपाली, पाकिस्तानी र अमेरिकी आरोहीका शव फिर्ता ल्याउने प्रक्रिया अघि बढेको छ। ब्रोड पिक हिमपहिरोमा नेपाली आरोही निर्मल पुर्जासहित अन्य आरोहीसमेत सम्पर्कविहीन भएका थिए।  परराष्ट्र मन्त्रालयका अनुसार बाँकी मृतकका शव नेपाल ल्याउने तथा आवश्यक समन्वयको प्रक्रिया जारी रहेको छ।

Originally published on abcnews.com.np.