काठमाडौं, १६ साउन । सरकारले बढ्दो व्यापार घाटा कम गर्न आन्तरिक उत्पादन वृद्धिमा जोड दिने नीति लिने भएको छ ।

अर्थमन्त्री ज्ञानेन्द्रबहादुर कार्कीले व्यापार घाटालाई कम गर्न आन्तरिक उत्पादन वृद्धिमा जोड दिने नीति लिइएको स्पष्ट पार्नुभयो । सोमबार काठमाडौंमा भएको कार्यक्रममा बोल्दै उहाँले कृषि, ऊर्जा र उद्यो

ग क्षेत्रको विकासलाई उच्च प्राथमिकता दिएर मुलुकको आन्तरिक उत्पादन बढाउन सरकोकारवाला निकायलाई निर्देशन दिइसकेको पनि स्मरण गराउनुभयो ।

अर्थमन्त्री कार्कीले आर्थिक वृद्धिदर बढ्दै जाने प्रसस्त आधार तयार भएको पनि दावी गर्नुभयो । उहाँले भूकम्पपछिको पुन:निर्माणको कामलाई तीव्रता दिने, राष्ट्रिय गौरवका आयोजनाहरुलाई तीव्र गतिमा अघि बढाउने जस्ता कामलाई उच्च प्राथमिकता दिएर आर्थिक वृद्धिदर बढाउन सकिने कार्ययोजना पनि बताउनुभयो ।

सरकारले चालू आर्थिक वर्षमा ७ दशमलव २ प्रतिशत आर्थिक वृद्धि गर्ने लक्ष्य लिएको छ । गत वर्ष ६ दशमलव ९ प्रतिशत आर्थिक वृद्धि भएको थियो । अर्थमन्त्री कार्कीले लगानी भित्र्याउने गरी आवश्यक नीतिगत निर्णय पनि सरकार प्रतिवद्ध रहेको पनि स्पष्ट पार्नुभयो ।