काठमाडौं, ८ साउन । बाँकेको नेपालगञ्जबाट रुकुमपश्चिमको चौरजहारी आउँदै गरेको फोर्स गाडी सल्यानको कुमाख गाउँपालिका २ नेटा नजिकै बराईजिउलामा दुर्घटना हुदा एक जनाको मृत्यु भएको छ। भे १ ख ३९९४ नम्वरको फोर्स गाडी दुर्घटना हुँदा उचारको लागि नेपालगन्ज लिदै गर्दा ६२ वर्षीय कलिभान राणाको बाटोमै मृत्यु भएको हो। गाडी दुर्घटनामा परी चालकसहित अन्य १४ जना यात्रुहरु घाईते भएका छन । जिल्ला प्रहरी कार्यालय सल्यानका अनुसार घाइते हुनेहरुमा सल्यानको कुमाख गाउँपालिका ४ का २८ वर्षीय चालक पारस आचार्य, सोहि स्थानका ३६ वर्षीय भुपेन्द्र बस्नेत, ६३ वर्षीय टिकाराम आचार्य, ३५ वर्षीया निर्मला बुढाथोकी, १० वर्षीया जेनिशा बुढाथोकी रहेको प्रहरीले जनाएको छ । त्यस्तै ७ वर्षीय महेन्द्र बस्नेत, २३ वर्षीय भुवन लामिछाने, ३२ वर्षीया दिपा बुढाथोकी, उनको को ६ वर्षीया छोरी कोपिला बुढाथोकी, १६ वर्षीय ईन्द्र रावत र २६ वर्षीय डोेले बस्नेत, रुकुम पश्चिमको चौरजहारी नगरपालिका १ कि ८४ वर्षीया चन्द्री बिष्ट, ३१ वर्षीया कुन्ता बिष्ट र सुर्खेतको भेरीगंगा नगरपालिका ९ कि ३१ वर्षीया तुलसा सुनार घाईते भएको जिल्ला प्रहरी कार्यालय सल्यानले जनाएको छ ।
दुर्घटनामा घाइते मध्य १३ जनाको कोहलपुर मेडिकल कलेज र एक जनाको रुकुम पश्चिमको चौरजहारी अस्पतालमा उपचार भैरहेको छ।