काठमाडौं, २० चैत । अर्थमन्त्री डा. युवराज खतिवडाले नीति तथा कार्यक्रमले श्वेतपत्रका विषयमा उठेका सवालको समाधान गर्ने बताउनु भएको छ । सरकारले चाडै संसदमा प्रस्तुत गर्ने नीति तथा कार्यक्रम तथा वार्षिक बजेटमा श्वेतपत्रका विषयमा उठेका प्रश्नहरुको समाधान हुने दाबी गर्नुभएको छ ।

प्रतिनिधिसभाको मंगलबारको बैठकमा उहाले श्वेतपत्र कुनै पार्टी विशेषलाई लक्षित होइन, मन्त्री खतिवडाले भन्नु भयो । श्वेतपत्र एउटा कालखण्डको समीक्षामात्र भएको प्रस्ट्याउनु भयो । आवस्यक परे श्वेतपत्रबारे थप छलफल गर्न पनि खुला रहेको उहांको कथन छ । सामाजिक तथा पूर्वाधारको क्षेत्रमा गरिएको लगानीको प्रतिफल देखिन थालेको भएको टिप्पणी गर्नुभये ।

बजेटबारे सांसदहरु जानकार हुनुपर्ने अर्थमन्त्रीले आग्रह गर्दै सरकराी ढुकुटीमा अहिले केही बचत देखिए पनि आर्थिक वर्षको अन्त्यमा स्थिति भयावह हुने आँकलन गरिएको उल्लेख गर्नुभयो । साथै मन्त्री खतिवडाले निजीकरणको विषयमा पर्याप्त बहस गर्न सकिने भन्दै बन्द अर्थतन्त्रको पक्षमा सरकार नभएको स्पष्ट पार्नुभयो ।