बुटवल, २१ चैत्र ।
स्थानीयतहले सामाजिक सेवामा सक्रियता बढाएपछि बुटवल उपमहानगरको वार्ड नम्बर १ बासीले स्थानीयसरकारको अनुभुति गर्न थालेकाछन् । शारिरीक कमजोरी रहेका जेष्ठ नागरिकहरुलाई स्थानीयतहबाट चाडवाड खर्च देखि व्हिल चेयर सम्म प्राप्त भएपछि उनीहरुले स्थानीय तहमा आफ्नै सरकार आएको अनुभुति गरेकाहुन् ।
बृद्दता र अस्वस्थताका कारण घरबाट बाहिर निस्कन नसक्ने अवस्थामा पुगेका जेष्ठ नागरिकहरुलाई उपमहानगरपालिकाले ह्विल चेयर उपलब्ध गराएपछि बटवलका जेष्ठ नागरिकहरुको जनजिवन सहज हुने भएको छ । उपमहानगरको वार्ड नम्बर १ ले आफ्नो बजेटको केहि रकमबाट शारिरिक कमजोर रहेका जेष्ठ नागरिकहरुलाई ह्विल चेयर बितरण गरेको छ । मनभित्र आफन्त भेट्ने आकांक्षा रहेर पनि उमेर र अस्वस्थताका कारण घरबाट निस्कन नसक्ने जेष्ठ सदस्यहरुले ह्विल चेयर पाएपछि मख्ख परेकाछन् । ह्विल चेयर पाए संगै उनीहरुले नजिकको मन्दिर जान सहज भएको भन्दै स्थानीय सरकारलाई धन्यबाद दिएकाछन् ।
बुटवल उपमहानगरपालिका वार्ड नम्बर १ ले आफ्नो वार्ड भित्रका ४ जना जेष्ठ नागरिकलाई मंगलबार ह्विल चेयर बितरण गरेको थियो । एका बिहानै उपमहानगरका मेयर शिव सुबेदी सहितको टोलि चेयर बोकेर घरघर आए पछि स्थानीयबासी दंग परेका थिए ।
उपमहानगरले वडा नम्बर १ का १०३ बर्षिया सेती ल्क्ष्मी श्रेष्ठ, ९३ बर्षिया, भाग्यलक्ष्मी शाक्य, ८बर्षिय लोकबहदुर खनाल र ७१ बर्षिया शान्ति देबी कशौधनलाई ह्लि चेयर उपलब्ध गराएको छ । उपमहानगर जेष्ठ नागरिकरु प्रति उत्तरदायी रहेको र उनीहरुको दैनिक जिवनलाई सहज बनाउन हरदमतयार रहेको बुटवल उपमहानगरका प्रमुख शिवराज सुबेदी बताउंछन् ।
प्रत्यक नागरिकलाई वडाबाटै सेवा सुबिधा दिने राज्यको निति अनुरुप वडा कार्यालयले ह्विल चेयर बितरण गर्ने कार्यक्रम ल्याएको बुटवल उपमहानगर वडानम्बर १ का अडा अध्यक्ष महेन्द्र लिगलको भनाई छ ।
कतिपय स्थानीयतहबाट बिभिन्न बिबादीत निर्णयहरु आईरहेका बेला बुटवल उपमहानगरको वडा कार्यालयले जनताले अनुभुत गर्ने गरि ल्याएको कार्यक्रमले स्थानीयतहमा जनप्रतिनिधी हुनुको अनुभुति दिलाएको छ । अन्य स्थानीयतहले पनि यस्ता सकारात्मक कामको अनुशरण गर्ने कि ?