काठमाडौं, १५ असोज । संघीय राजधानी काठमाडौंमा चहलपहल घट्दै गएको छ।
दशैंको आगमनसँगै राजधानी उपत्यकाबाट आआफ्नो थातथलो जानेक्रम जारी छ। दैनिक सवारी चापमा करिब ४० देखि ५० प्रतिशतसम्म कमी आएको छ।
उपत्यकामा सञ्चालन हुने सार्वजनिक सवारीसाधनमा देखिने यात्रुको भीड कम हुँदै गएको छ। तथापि, सार्वजनिक सवारी चलिरहेका छन्।
विगतका दशैंहरूमा नवमीको दिनसम्म आइपुग्दा चहलपहल निकै कम भइसकेको हुन्थ्यो। तर, यस वर्ष भने केही चहलपहल देखिन्छ। खुद्रा पसल, फलफुल पसल, कपडा पसल, कस्मेटिक पसल खुलै छन्। सडकमा सवारीको दोहोरो आवागमन समेत भइरहेको छ।
प्रतिक्रिया दिनुहोस्