नयां दिल्ली २४ चैत । भारतको ३ दिने राजकीय भ्रमणमा रहेका प्रधानमन्त्री केपी ओलीले अब नेपाल विकास र समृद्धिमा अगाडि बढिसकेको दृढता व्यक्त गर्नु भएको छ । हैदरावाद हाउसमा शनिबार आयोजित संयुक्त पत्रकार सम्मेलनमा बोल्दै ओलीले अब नेपालले विकास गरेर अघि बढ्नेमा विश्वास दिलांउदै खुशी नेपाली, समृद्ध नेपाल नारालाई साकार पार्न आफू सम्पूर्ण रुपमा लागेकोल बताउनु भभएको थियो ।

ओलीले मोदीको सद्भावलाई धन्यवाद दिंदै भन्नुभयो कन्फ्युज हुनु पर्दैन, अब नेपालले विकास गरेर अघि बढ्छ, जनताको खुसीमा नेपालको समृद्धि हुनेछ समकक्षी मोदीले हिन्दीमा भाषण गरे लगत्तै ओलीले अंग्रेजीमा भाषामा सम्बोधन गर्नु भएको थियो । ओलीले दुईदेशबीच सुमधुर सम्बन्ध कायम राख्नु ठूलो कुरा हुने दोहराउनु भयो ।
सन्धि, सम्झौताभन्दा पनि मित्रता ठूलो कुरा हो । यसमा हामी गम्भीर इमानदार छौं ओलीले थप व्याख्या गर्नुभयो ।

नेपालमा सबै तहको निर्वाचन सकिएको सदर्भ सुनाएर प्रधानमन्त्री ओलीले छिटो नेपाल भ्रमण गर्न समकक्षी नरेन्द्र मोदीलाई निम्तो समेत दिनुभएको छ ।
यस अघि मोदीले बोल्दा हाम्रो छिटै भेट होला भन्दै नेपाली बाक्यमा नेपाल भ्रमण गर्ने संकेत दिएका थिए ।