काठमाडौं, ३ साउन । नेकपा (एमाले) का महासचिव शंकर पोखरेलले सांसदका स्वकीय सचिव सूचना प्रविधिको प्रयोगमा दक्षता राख्ने हुनुपर्ने बताएका छन् ।पार्टी कार्यालयमा आयोजित सांसदसँगको अन्तरक्रिया कार्यक्रममा उनले स्वकीय सचिव घरयासी सहयोगी हुन नहुने बताए । “स्वकीय सचिव राखिरहँदा आफ्ना कामलाई प्रभावकारी बनाउन सहयोग पुग्ने व्यक्ति छनोट गर्दछौँ कि सहयोगी खोज्दछौँ ? भन्ने कुराले अर्थ राख्छ,” उनले भने, “घरयासी सहयोगी होइन । संसदीय काम र क्रियाकलापमा भूमिका खेल्न सक्ने व्यक्ति छनोटको कुरा महत्त्वपूर्ण हुन्छ ।” पोखरेलले एआईको दतक्षतापूर्वक प्रयोग गर्न सक्ने व्यक्तिलाई स्वकीय सचिव हुनुपर्ने बताए । “अब हाम्रो कामलाई प्रभाकावकारी बनाउने हो भने सूचना प्रविधिमा दक्षता राख्ने व्यक्ति नै स्वकीय सचिव हुनेछ । जो राजनीतिक रुपमा सुझबुझपूर्ण निष्ठावान हुने कुरा त आफ्नो ठाउँमा छँदै छ,” उनले भने ।