काठमाडौँ, ७ साउन । सिरहाको लहानमा लागूऔषध नियन्त्रणका लागि खटिएको प्रहरी टोलीले गोली चलाएर ६ जनालाई पक्राउ गरेको छ। पक्राउ पर्नेमा ५ जना भारतीय र १ जना नेपाली नागरिक रहेका छन्।बिहीबार दिउँसो लहान नगरपालिका–स्थित हस्पिटल चोकमा लागूऔषध नियन्त्रण ब्यूरो, कोटेश्वरबाट खटिएको विशेष टोलीले अपरेशन सञ्चालन गर्ने क्रममा प्रहरीको गोली चलेको हो।
प्रहरीका अनुसार पक्राउ परेकामध्ये एक भारतीय र एक नेपाली नागरिकको खुट्टामा गोली लागेको छ। उनीहरूलाई उपचारका लागि अस्पताल लगिएको छ।
पक्राउ परेकाहरूको साथबाट २ सय २५ ग्राम खैरो हिरोइन र ब्राउन सुगर बरामद भएको प्रहरी स्रोतले जनाएको छ। बरामद लागूऔषधसहित उनीहरूलाई नियन्त्रणमा लिएर थप अनुसन्धान अघि बढाइएको छ।
प्रतिक्रिया दिनुहोस्