झापा । झापाको कन्काई नगरपालिका–४, कोटीहोममा पिकअप गाडीको ठक्करबाट एक वृद्धको मृत्यु भएको छ ।
सोमबार (साउन १८) बिहान पूर्वपश्चिम राजमार्गअन्तर्गत कोटीहोम क्षेत्रमा दमकबाट बिर्तामोडतर्फ आउँदै गरेको मे१च ५१०४ नम्बरको पिकअपले सडक पार गर्दै गरेका कन्काई–४ का अन्दाजी ७० वर्षीय प्रल्हाद शिवाकोटीलाई ठक्कर दिएको जिल्ला ट्राफिक कार्यालय झापाले जनाएको छ ।
दुर्घटनामा गम्भीर घाइते भएका शिवाकोटीलाई उपचारका निम्ति बिर्तामोडतर्फ ल्याउने क्रममा बाटोमा नै मृत्यु भएको प्रहरीले जनाएको छ ।
प्रहरीले उक्त पिकअप र त्यसका चालकलाई नियन्त्रणमा लिएको छ ।
Originally published on abcnews.com.np.
प्रतिक्रिया दिनुहोस्