काठमाडौं । भारतका स्टार तीव्र गतिका बलर जसप्रित बुमराह चोटका कारण श्रीलंकाविरुद्धको दुई टेस्टको श्रृंखलाबाट बाहिरिएका छन्।

भारतीय क्रिकेट नियन्त्रण बोर्ड (बीसीसीआई)ले सोमबार बुमराहको स्थानमा युवा फास्ट बलर अउकिव नाबीलाई टोलीमा समावेश गरेको जनाएको छ। नाबीले यसै श्रृंखलामार्फत भारतका लागि टेस्ट क्रिकेटमा डेब्यु गर्ने अवसर पाउने भएका छन्।

जम्मु–कश्मीरका नाबी पछिल्लो समय घरेलु क्रिकेटमा उत्कृष्ट प्रदर्शन गर्दै आएका छन्। उनले रणजी ट्रफीका पछिल्ला दुई संस्करणमा १ सय ४ विकेट लिएका थिए भने २०२५–२६ सिजनमा मात्रै ६० विकेट हात पारेका थिए।

बुमराह बायाँ घुँडाको चोटका कारण पुनःस्थापनाको क्रममा रहेका छन्। उनले गत जुलाईमा इंग्ल्यान्डविरुद्धको एकदिवसीय अन्तर्राष्ट्रिय खेलका क्रममा चोट बोकेका थिए।

भारत र श्रीलंकाबीचको पहिलो टेस्ट अगस्ट १५ देखि तथा दोस्रो टेस्ट अगस्ट २३ देखि सुरु हुनेछ।

Originally published on abcnews.com.np.