काठमाडौं । सुनकोसी नदीमा कार खस्दा तीनजना बेपत्ता भएका छन् । जिल्ला प्रहरी कार्यालय सिन्धुलीका अनुसार, सोमबार मध्याह्न ११ः४५ बजे सिन्धुलीको फिक्कल गाउँपालिका–२, नवलपुरबाट कार सुनकोसी नदीमा खसेको हो ।
मध्यपहाडी लोकमार्गअन्तर्गत काठमाडौंबाट ओखलढुंगा जाँदै गरेको वाग्मती प्रदेशको ०८–००१ ख ०१४४ नम्बरको बसले कारलाई ठक्कर दिएको थियो ।
बसका चालक २६ वर्षीय हेमबहादुर तामाङलाई प्रहरीले नियन्त्रणमा लिएको छ । नम्बर नखुले पनि प्रहरीले कारमा तीनजना सवार रहेको पत्ता लगाएको छ ।
कारका चालक दिलकुमार लामा, सिन्धुली गोलान्जोर गाउँपालिका–१ का गणेश थापा र एकजनाको भने पहिचान खुल्न बाँकी छ ।
Originally published on abcnews.com.np.
प्रतिक्रिया दिनुहोस्