काठमाडौं — साताको पहिलो कारोबार दिन आइतबार नेपाल स्टक एक्सचेन्ज (नेप्से) परिसूचक ९ दशमलव ०४ अंकले घटेर २ हजार ६४१ दशमलव ०० विन्दुमा बन्द भएको छ।

आज बजारमा अधिकांश कम्पनीको शेयर मूल्य घटेको छ। कुल ३५२ कम्पनीको शेयर कारोबार हुँदा ८२ कम्पनीको मूल्य बढेको, १७९ कम्पनीको मूल्य घटेको र बाँकी कम्पनीको शेयर मूल्यमा उल्लेखनीय परिवर्तन नभएको देखिएको छ।

दिनभर १ करोड ९ लाख ६६ हजार कित्ता शेयर किनबेच भएका छन्। कुल कारोबार रकम भने ३ अर्ब ६७ करोड रुपैयाँभन्दा बढी पुगेको छ।

सोलु हाइड्रोपावरको सर्वाधिक कारोबार

आज कारोबार रकमका आधारमा सोलु हाइड्रोपावर कम्पनी शीर्ष स्थानमा रहेको छ। कम्पनीको ४६ करोड ३७ लाख रुपैयाँ बराबरको शेयर कारोबार भएको छ।

त्यसपछि रिडी पावरको २९ करोड २७ लाख रुपैयाँ र फर्स्ट माइक्रोफाइनान्सको १२ करोड ४५ लाख रुपैयाँ बराबरको शेयर कारोबार भएको छ।

कर्पोरेट डेभलपमेन्ट बैंकका लगानीकर्ता सर्वाधिक नाफामा

आज कर्पोरेट डेभलपमेन्ट बैंकका लगानीकर्ताले सर्वाधिक नाफा कमाएका छन्। कम्पनीको शेयर मूल्य ८ दशमलव ४७ प्रतिशतले बढेको छ।

त्यस्तै, दरमखोला हाइड्रोका लगानीकर्ताले ६ प्रतिशत र फर्स्ट माइक्रोफाइनान्सका लगानीकर्ताले ४ दशमलव ६१ प्रतिशत नाफा कमाएका छन्। अपर हेवाखोलाका लगानीकर्ताले पनि ४ दशमलव ४७ प्रतिशतले नाफा कमाएका छन्।

रिलायबल समृद्धि योजना–२ का लगानीकर्ता सर्वाधिक घाटामा

बजार घटेसँगै केही कम्पनी तथा सामूहिक लगानी योजनाका लगानीकर्ताले भने उल्लेख्य मूल्य गुमाएका छन्।

आज रिलायबल समृद्धि योजना–२का इकाइधनीले सबैभन्दा धेरै गुमाएका छन्। उक्त योजनाको इकाइ मूल्य ९ दशमलव ७० प्रतिशतले घटेको छ।

समग्रमा साताको पहिलो कारोबार दिन बजारमा बिक्री चाप हाबी हुँदा नेप्से परिसूचकसँगै अधिकांश कम्पनीको शेयर मूल्य घटेको छ।

Originally published on abcnews.com.np.