काठमाडौं । आज मंगलबार काठमाडौं उपत्यकामा साँझपख वर्षाको सम्भावना बढी रहेको मौसमविद्हरूले बताएका छन्।

मौसम पूर्वानुमान महाशाखाका मौसमविद् डेभिड ढकालका अनुसार आज दिनभर उपत्यकाको मौसम घाम लाग्ने र बादल लाग्ने क्रम चलिरहनेछ।

उनका अनुसार दिउँसो २–३ बजेपछि वर्षाको सम्भावना क्रमशः बढ्दै जानेछ। साँझ र रातिको समयमा वर्षाको सम्भावना तुलनात्मक रूपमा बढी रहेको उनले बताए।

मौसमविद् ढकालका अनुसार काठमाडौं उपत्यकामा आज ठूलो वर्षाको सम्भावना भने छैन। मध्यमसम्म वर्षा हुनसक्ने पूर्वानुमान गरिएको छ।

उपत्यकाभित्र पनि मौसम एकनासको नहुन सक्ने भएकाले कतिपय स्थानमा वर्षा हुने र केही क्षेत्रमा भने पानी नपर्ने सम्भावना रहेको उनले बताए।

देशभरको मौसम तथा वर्षाको सम्भावनाबारे मौसम पूर्वानुमान महाशाखाले आज बिहान ८ बजे विस्तृत मौसम बुलेटिन अद्यावधिक गर्ने जनाएको छ।

Originally published on abcnews.com.np.