काठमाडौं । इटालियन प्रिमियम मोटरसाइकल ब्रान्ड मोर्बिडेलीले नाइमा नेपाल मोबिलिटी एक्स्पो–२०२६ मा आफ्नो प्रतीक्षित ‘मोर्बिडेली टी–२५० एक्स’ सार्वजनिक गरेको छ।

नेपालमा मोर्बिडेलीको आधिकारिक वितरक युनाइटेड ट्रेडर्स सिन्डिकेटले नेपाली बजारमा ग्राहकको बढ्दो माग र सकारात्मक प्रतिक्रियालाई ध्यानमा राख्दै टी–२५० एक्सको पहिलो चरणको बल्क डेलिभरीसमेत सुरु गरिसकेको जनाएको छ।

कम्पनीका अनुसार मोर्बिडेलीका ग्राहकले मोटरसाइकलको आकर्षक डिजाइन, इन्जिनको प्रदर्शन, आधुनिक सुरक्षा प्रविधि तथा आरामदायी राइडिङ अनुभवलाई रुचाएका छन्। ग्राहकबाट प्राप्त सकारात्मक प्रतिक्रियाले नेपाली बजारमा ब्रान्डप्रतिको विश्वास थप बलियो भएको कम्पनीको भनाइ छ।

एड्भेन्चर तथा टुरिङ सेग्मेन्टलाई लक्षित गरी ल्याइएको टी–२५० एक्समा आकर्षक डिजाइनसँगै शक्तिशाली प्रदर्शन र आधुनिक प्रविधि समावेश गरिएको कम्पनीले जनाएको छ। नयाँ मोडलले नेपाली एड्भेन्चर मोटरसाइकल बजारमा थप प्रतिस्पर्धा सिर्जना गर्ने अपेक्षा गरिएको छ।

मोर्बिडेली नेपालले आगामी दिनमा विश्वस्तरीय मोटरसाइकल, गुणस्तरीय बिक्रीपछिको सेवा तथा उत्कृष्ट ग्राहक अनुभव उपलब्ध गराउँदै नेपाली बजारमा आफ्नो उपस्थिति थप विस्तार गर्ने प्रतिबद्धता जनाएको छ।

कम्पनीका अनुसार मोर्बिडेली टी–२५० एक्सको नेपाली बजार मूल्य ६ लाख २० हजार रुपैयाँ तोकिएको छ।

Originally published on abcnews.com.np.