चितवन । पूर्वी चितवनको कयर खोला किनारमा एक पुरुष मृत अवस्थामा फेला परेका छन्।
खैरहनी नगरपालिका–१ स्थित कयर खोला किनारमा रत्ननगर नगरपालिका–१४ का ६८ वर्षीय होमबहादुर परियार मृत अवस्थामा फेला परेको जिल्ला प्रहरी कार्यालय चितवनले जनाएको छ।
जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक चन्द्रभूषण यादवका अनुसार आज बिहान ११ः४५ बजे परियारको शव फेला परेको हो।
प्रहरीले घटनास्थलको प्रारम्भिक अनुसन्धान सुरु गरेको छ। मृतकको शव परीक्षणका लागि भरतपुर अस्पताल पठाइएको छ।
मृत्युको कारण खुल्न बाँकी
प्रहरीका अनुसार घटनाको वास्तविक कारण खुल्न बाँकी रहेको छ। शव परीक्षणको रिपोर्टपछि मृत्युको कारणबारे थप जानकारी प्राप्त हुने अपेक्षा गरिएको छ।
घटनाबारे थप अनुसन्धान भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्