काठमाडौँ । देशका विभिन्न स्थानमा मंगलबार पाँचजना मृत अवस्थामा फेला परेका छन्। प्रहरीले सबै घटनाबारे आवश्यक अनुसन्धान अघि बढाएको जनाएको छ।

प्रहरीका अनुसार भोजपुर नगरपालिका–११ आम्तेकस्थित वडा कार्यालय नजिकै नाङ्लेभिर क्षेत्रमा सोही स्थानका ७७ वर्षीय वीरबहादुर भुजेल मृत अवस्थामा फेला परेका हुन्।

त्यस्तै, पाँचथरको हिलिहाङ गाउँपालिका–५ बालिटारका ५५ वर्षीय टीकाराम बयलकोटी सोही स्थानको सडकमा मृत भेटिएका छन्।

सप्तरीको शम्भुनाथ नगरपालिका–८ पोखरीयास्थित बाटो छेउमा सोही नगरपालिका–८ का ४५ वर्षीय जेज्ञानन्द चौधरी मृत अवस्थामा फेला परेको प्रहरीले जनाएको छ।

ललितपुर महानगरपालिका–४ ओचुहाइटमा बस्दै आएका झापा कमल गाउँपालिका–५ का ५३ वर्षीय मदन राई ललितपुरको महालक्ष्मी नगरपालिका–४ इमाडोलस्थित एबीसी टोलमा मृत भेटिएका छन्।

यसैगरी, चितवनको खैरहनी नगरपालिका–१ स्थित कयर खोला किनारमा रत्ननगर नगरपालिका–१४ लालीगुँरास टोलका ६८ वर्षीय होमबहादुर परियार मृत अवस्थामा फेला परेका छन्।

प्रहरी प्रधान कार्यालयका अनुसार मृतकहरूको मृत्युको कारणबारे आवश्यक अनुसन्धान भइरहेको छ। घटनासम्बन्धी थप विवरण अनुसन्धानपछि खुल्ने प्रहरीले जनाएको छ।

Originally published on abcnews.com.np.