आइतबार धर्म गौतमद्वारा प्रकाशित पुस्तक विमोचन कार्यक्रममा बोल्दै थापाले नेपाली कांग्रेसको शेरबहादुर देउवा पक्षले आयोजना गरेको राष्ट्रिय भेलामा आफूविरुद्ध भएको आलोचनाप्रति प्रतिक्रिया जनाएका हुन् ।

थापाले जन्मेदेखि अहिलेसम्म आफूले जति निन्दा र आलोचना भोगेको भए पनि पछिल्ला तीन दिन त्यसको तुलनामा निकै बढी भएको दाबी गरे ।

‘मैले यो धर्तीमा जन्मिएदेखि आजसम्म जति मेरो निन्दा भएको थियो होला, जानेर नजानेर यो गएको तीन दिनमा निन्दा भएको छ, मेरो,’ उनले भने ।

उनले पछिल्ला दिनमा सञ्चारमाध्यमका हेडलाइनमा समेत आफूलाई लक्षित आलोचनात्मक विषयवस्तु प्रमुख रूपमा आएको बताए ।

देउवा पक्षको भेलाप्रति प्रतिक्रिया

देउवा पक्षले आयोजना गरेको राष्ट्रिय भेलामा आफ्नो नेतृत्व र कार्यसमितिमाथि गरिएको टिप्पणीप्रति थापाले असन्तुष्टि जनाएका हुन् ।

भेलामा आफूलाई लक्षित गर्दै गरिएका टिप्पणी र आरोपले दुःख लागेको बताउँदै उनले पछिल्ला तीन दिनको आलोचनालाई आफ्नो राजनीतिक जीवनकै असहज अवधिका रूपमा प्रस्तुत गरे ।