काठमाडौँ । यस वर्षको भदौ महिनामा शनिबार र आइतबारसहित कुल ११ दिन सार्वजनिक बिदा परेको छ। भदौ महिनामा नियमित साप्ताहिक बिदाबाहेक तीन दिन पर्व विशेष सार्वजनिक बिदा रहेकाले बिदाको संख्या ११ पुगेको हो।

भदौमा जनैपूर्णिमा, श्रीकृष्ण जन्माष्टमी र हरितालिका तीजका अवसरमा सार्वजनिक बिदा दिइएको छ।

कुन–कुन दिन बिदा?

भदौ १२ गते जनैपूर्णिमा, १९ गते श्रीकृष्ण जन्माष्टमी र २९ गते हरितालिका तीजको सार्वजनिक बिदा परेको छ।

यसैगरी शनिबार र आइतबार क्रमशः भदौ ६, ७, १३, १४, २०, २१, २७ र २८ गते बिदा रहनेछ।

दुईपटक तीन दिन लगातार छुट्टी

भदौ महिनामा दुईपटक तीन दिन लगातार बिदा परेको छ। जनैपूर्णिमाका कारण भदौ १२, १३ र १४ गते लगातार तीन दिन बिदा हुनेछ।

त्यस्तै, श्रीकृष्ण जन्माष्टमीका कारण भदौ १९, २० र २१ गते पनि लगातार तीन दिन सार्वजनिक बिदा परेको छ।

यसले भदौ महिनामा लामो सप्ताहान्तको अवसरसमेत सिर्जना गरेको छ, जसका कारण धार्मिक तथा पर्यटकीय स्थलमा आन्तरिक आवागमन बढ्ने अपेक्षा गरिएको छ।

Originally published on abcnews.com.np.