काठमाडौँ । नेपाल एसोसिएसन अफ टुर एन्ड ट्राभल एजेन्ट्स (नाट्टा) को अध्यक्षमा भरतजंग पाण्डे निर्वाचित भएका छन्।

नाट्टाको ५९औँ वार्षिक साधारणसभाबाट पाण्डे अध्यक्षमा निर्वाचित भएका हुन्। साधारणसभाले नयाँ कार्यसमिति समेत चयन गरेको छ।

नयाँ कार्यसमितिको वरिष्ठ उपाध्यक्षमा सुनिल शर्मा, उपाध्यक्षमा सविता केसी भट्टराई, महासचिवमा राजकुमार देवकोटा, सचिवमा रमेश पराजुली, कोषाध्यक्षमा दिकी शेर्पा र सहकोषाध्यक्षमा जीवन कोइराला निर्वाचित भएका छन्।

त्यस्तै सदस्यमा स्मारिका थापा, नवीन गुरुङ, दिनेश मैनाली, सुमनलाल श्रेष्ठ, स्वस्तिका प्रधान, संकेत दाहाल र विभाष पौडेल निर्वाचित भएका छन्।

नाट्टाको वार्षिक साधारणसभाले पर्यटन तथा ट्राभल व्यवसायको समसामयिक अवस्था, व्यवसायीका समस्या र आगामी कार्यदिशासहितका विषयमा छलफल गर्दै नयाँ नेतृत्व चयन गरेको हो। नयाँ कार्यसमितिले पर्यटन क्षेत्रको प्रवर्द्धन तथा ट्राभल व्यवसायीका हितका लागि काम गर्ने अपेक्षा गरिएको छ।

Originally published on abcnews.com.np.