ताप्लेजुङ । ताप्लेजुङस्थित प्रसिद्ध तीर्थस्थल पाथीभरा मन्दिर परिसरमा रहेका वर्षौँ पुराना पाटीपौवाको मर्मतसम्भार गरिएको छ।
पाथीभरा क्षेत्र विकास समितिले लामो समयदेखि जीर्ण अवस्थामा रहेका पाटीपौवाको मर्मत गरी तीर्थयात्री तथा दर्शनार्थीका लागि बस्नयोग्य बनाएको हो।
समितिका अनुसार पुरानो समयदेखि नै तीर्थयात्रीको विश्रामस्थलका रूपमा प्रयोग हुँदै आएका पाटीपौवाको आवश्यक मर्मतसम्भार गरिएको हो। मन्दिर दर्शनका लागि पुग्ने भक्तजनलाई विश्राम गर्न सहज हुने अपेक्षा गरिएको छ।
समितिले पाथीभरा क्षेत्रमा धार्मिक पर्यटन प्रवर्द्धन गर्ने उद्देश्यले मन्दिर परिसरका भौतिक संरचनाको संरक्षण तथा विकासलाई प्राथमिकता दिँदै आएको जनाएको छ।
Originally published on abcnews.com.np.
प्रतिक्रिया दिनुहोस्