बेइजिङ । भदौ १० गते आएको बाढीपछि चीनको सीमा क्षेत्रमा अलपत्र परेका नेपाली नागरिकलाई स्वदेश फर्काउन नेपालको बेइजिङस्थित दूतावासले सहजीकरण थालेको छ।
दूतावासले बिहीबार सूचना जारी गर्दै नेपाल–चीन सीमा क्षेत्र अवरुद्ध भई चीनमा रोकिएका नेपाली नागरिकलाई आवश्यक सहयोग गर्न तयार रहेको जनाएको हो। अलपत्र नेपालीलाई आफ्नो विवरण उपलब्ध गराउन तथा नेपाली महावाणिज्यदूतावास, ल्हासा वा नेपाली राजदूतावास, बेइजिङमा सम्पर्क गर्न आग्रह गरिएको छ। दूतावासले चीनमा अलपत्र परेका नेपाली नागरिकको विवरण संकलन गरी उनीहरूलाई सुरक्षित रूपमा स्वदेश फर्काउन आवश्यक समन्वय गरिरहेको जनाएको छ।
Originally published on abcnews.com.np.
प्रतिक्रिया दिनुहोस्