रसुवा । नेपाल इन्भेष्टमेन्ट मेगा बैंकका सात जना कर्मचारी रसुवाको भोटेकोशी नदीमा आएको बाढीले सम्पर्कविहीन भएका छन्। उनीहरू बाढीमा परेर बेपत्ता भएको बताइएको छ।

बैंकले विज्ञप्ति जारी गर्दै रसुवाको टिमुरे शाखा, स्याफ्रुबेसी शाखा र मैलुङ एक्सटेन्सन काउन्टर बगाएको जानकारी दिएको छ। ती शाखाहरूमा कार्यरत कर्मचारीहरू सम्पर्कविहीन रहेको बैंकले जनाएको छ। बेपत्ता हुनेहरूको अवस्थाबारे जानकारी प्राप्त भए तुरुन्तै सार्वजनिक गर्न बैंकले अनुरोध गरेको छ।

बेपत्ता भएका कर्मचारी

स्याफ्रुबेसी शाखाका शिवप्रसाद लम्साल, जितमान घले, पेम्बा दावा लोपेचान, भीमबहादुर खड्का र पासाङ याङ्जेन तामाङ बेपत्ता भएको बैंकले जानकारी दिएको छ।

त्यस्तै, टिमुरे शाखाका डोल्मा लामा र मैलुङ एक्सटेन्सन काउन्टरका मुकेश खड्का पनि सम्पर्कविहीन छन्। उनीहरूको अवस्थाबारे विस्तृत विवरण प्राप्त हुन सकेको छैन।

Originally published on abcnews.com.np.